Facebook Youtube
Agrotim Pro
Ad image
  • Дома
  • Банки
  • Штедилници
  • Осигурителни компании
  • Закони и Правилници
  • Diners Club
  • Назад кон Агротим
Читате: Марјан Митев од „Френки“ инвестира, Орце Црнгаров и други земјоделци произведуваат, пласманот обезбеден, цената договорена
Agrotim ProAgrotim Pro
Зголеми текстAa
Пребарај
  • Дома
  • Банки
  • Штедилници
  • Осигурителни компании
  • Закони и Правилници
  • Diners Club
  • Назад кон Агротим
Заследи не
СИТЕ ПРАВА СЕ ЗАДРЖАНИ © АГРОТИМ МК - 2024
Agrotim Pro > Рубрика > Бизнис модели > Марјан Митев од „Френки“ инвестира, Орце Црнгаров и други земјоделци произведуваат, пласманот обезбеден, цената договорена
Бизнис модели

Марјан Митев од „Френки“ инвестира, Орце Црнгаров и други земјоделци произведуваат, пласманот обезбеден, цената договорена

Сподели
4 мин. за читање
Сподели

Во струмичкото село Куклиш, договорното производство на корнишони во модерни пластеници им овозможува на земјоделците посигурен откуп и подобри услови за работа, а на компанијата „Френки“ поквалитетен производ и однапред познати количини за преработка и извоз. Моделот на соработка, кој опфаќа поддршка со расад, опрема и агрономски совети, се темели на заеднички интерес, контрола на производството и доверба меѓу производителите и откупувачот.

Ваквиот пристап и поддршката на сите учесници во вредносниот синџир придонесуваат за негово зајакнување и одржлив развој.

– Сега се наоѓаме во атарот на село Куклиш, Струмичко. Овие две, оранжерии се инвестиција на компанијата „Френки“, каде што имаме договор со земјоделецот за примарно производство од него и откуп кај нас и понатамошна преработка како конзервиран зеленчук којшто ќе се извезува на пазарите каде што имаме направено договори.

На овој начин на соработка се одлучивме поучени од претходните соработки што сме ги имале со нашите кооперанти, каде што се одгледуваше производство на отворено, што е преризично. Освен тоа, не е заштитено.

Со поголеми приноси и најдобро е кога ќе се прави тоа производство во овој тип на пластеници, значи оранжериско производство. Со тоа се стекнуваме со квалитет, пред сè. Производот е заштитен.

Однапред со помош на агрономи и сознанија ги знаеме количините за кои инвестираме, што е голема предност за нас како извозници и производители – вели Марјан Митев од „Френки“, Струмица.

– Со компанијата „Френки“ имаме добра соработка. Тие не само што ни помагаат во откупот, ни помагаат и со расад, опрема и стручни совети од агрономи. Со агрономите редовно го следиме производството. Во овој проект се вклучени тројца земјоделци, и ние си помагаме еден на друг кој како има слободно време. Се организираме и така си ја завршуваме работата полесно – вели земјоделецот Орце Црнгаров од селото Куклиш.

– Нашата, нескромно да изјавам, помош со инвестирањето придонесува тој да ги зголеми неговите приноси, нормално приходите и да се подобрат условите за работа. Со зголемувањето на квалитетот на условите за работа се зголемува и квалитетот на самиот производ каде што ние имаме големи проблеми, особено во земјите во кои извезуваме, каде што се прават контроли, анализи на самите производи, нивниот квалитет. Овде одиме еден чекор напред, нема производство на отворено, ризикот за надворешни влијанија, штетници итн., се исклучува. Предложивме таков начин, фактички, за соработка со во овој случај, тројца земјоделци. Тоа е и за нас експеримент, што докажува дека се оди кон поквалитетно, посигурно производство. Да потенцирам, количините, квантитетот што го произведуваат и што се договара на тој начин го решаваме без да бараме од други места кои ни можеме да ги контролираме, ни да знаеме.

Кај Орце и останатите двајца кооперанти, знаеме кога е каренца, кога се бере, кога се пакува робата. Во кратки црти, тоа е огромна предност, што би сакал и се надевам дека ќе допре до останатите колегите извозници, производители, па и кај самите земојделци. Мора да се подигне нивото на доверба на едни кон други, за да имаме подобри квалитети – вели Митев.

-Пласманот кај компанијата „Френки“ има договорено производство. Колку треба да засадиш, колку тој може да откупи, ако се вклучат и другите компании на овој начин, мислам дека ќе има и резултат. За нас, земјоделците, договорното производство е најдобро, бидејќи имаме сигурен откуп и сигурен квалитет.

Компанијата „Френки“ исто така ни помогна и со пластениците, и се надеваме дека ќе соработуваме и понатаму – вели Црнгаров.

– Без интерес, без заедничка соработка и ќе се навратам и ќе потенцирам доверба пред сè, нема ништо – заклучи Митев.

Активноста се реализира со поддршка од Increasing Market Employability – IME

Таг:бизнис моделФренки
Претходен напис Розов Октомври: Зад секоја дијагноза има приказна
Следен напис ЧЕНДЛЕР – УСПЕШЕН НАСАД СЕ ГРАДИ СО ЗНАЕЊЕ, ПОСВЕТЕНОСТ И КВАЛИТЕТЕН САДЕН МАТЕРИЈАЛ!
Остави коментар Остави коментар

Напишете коментар Откажи одговор

Вашата адреса за е-пошта нема да биде објавена. Задолжителните полиња се означени со *

Ad imageAd image
Ad image
Ad imageAd image
Ad imageAd image
Ad imageAd image

/ Накратко за нас /

АгротимПРО- проект кој функционира како центар за поголема финансиска достапност и започнување на нови бизниси од агросекторот.

Информации за набавка на квалитетни репроматеријали, нова земјоделска механизација, поволни земјоделски кредити, понуди од финансиски друштва, бизнис модели со комплетни информации за набавка на семе, саден материјал, ѓубрива, заштитни средства и други репроматеријали.

На АгротимПРО имате информации и за земјоделско осигурување, апликации за грантови и се’ што значи инвестиции во модерно земјоделско производство.

/ Страници /

  • • За нас
  • • Импресум
  • • Маркетинг
  • • Услови за користење
  • • Контакт

/ Поддржано од

/

СИТЕ ПРАВА СЕ ЗАДРЖАНИ © АГРОТИМ МК - 2024
Welcome Back!

Sign in to your account

Lost your password?